Udhëheqës të Senatit dhe të Dhomës së Përfaqësuesve të Shteteve të Bashkuara thanë se kanë arritur një marrëveshje për miratimin e fondeve të qeverisë federale, e cila do të shmangë mbylljen e shumicës së zyrave qeveritare.
Kryetari i Dhomës së Përfaqësuesve, republikani John Boehner, tha sot se një projektligj për fondet e qeverisë u përgatit në bashkëpunim midis ligjvënësve të të dyja palëve.
Ish Kryetarja e Dhomës së Përfaqësuesve dhe njëkohësisht kryetarja e pakicës demokrate në dhomën e ulët të Kongresit amerikan, Nancy Pelosi akuzoi republikanët se po përdorin strategji politike të posaçme, të cilat sjellin shtyrje për në momentin e fundit të negociatave mbi çështje shumë të rëndësishme.