Në Kosovë nga sot do të qëndrojë një Mision faktmbledhës i Komisionit Evropian për vlerësimin e përmbushjes së kritereve që dalin nga udhërrëfyesi për liberalizimin e vizave. Kosova është vendi i vetëm në Evropën Juglindore, qytetarët e së cilës nuk mund të udhëtojnë pa viza në vendet e Bashkimit Evropian. Ajo mori udhërrëfyesin për këtë çështje në qershor të vitit 2012, por ende ndodhet në proces vlerësues për përmbushjen e detyrimeve, kryesisht nga fusha e sundimit të ligjit dhe parandalimi i emigrimit të paligjshëm.