Në Kosovë, partitë politike dështuan të zgjedhin organet drejtuese të Parlamentit të Kosovës, edhe pas më shumë se tre muaj që nga mbajtja e zgjedhjeve parlamentare. Për analistin e Grupit të Ballkanit për Politika, Naim Rashiti, zgjidhja e kësaj situate kërkon bisedime dhe arritje të kompromisit. Në një bisedë për Zërin e Amerikës, ai thotë se beson që ende mund të gjendet një zgjidhje që do të shmangte zgjedhjet e jashtëzakonshme, me të cilat sipas tij, partitë politike do të dilnin humbëse.
