Në Kosovë, policia bëri të ditur se ka arrestuar 10 persona pas protestës të ish pjesëtarëve të Ushtrisë Çlirimtare të Kosovës, të cilët hynë sot me forcë në oborrin e qeverisë, me kërkesat që të përshpejtohet procesi i njohjes dhe verifikimit të statusit të veteranëve, invalidëve, pjesëtarëve dhe të internuarve të kësaj ushtrie.
Ata kërkuan përmbylljen e shpejtë të këtij procesi, zvarritja e të cilit pamundëson zbatimin e ligjit që siguron mbështetje për këtë kategori.
Autoritetet thonë se vonesat janë kushtëzuar nga numri i madh i personave që pretendojnë një status të tillë.