Agjencitë ndërkombëtare të sigurisë thonë se mbi një mijë qytetarë evropianë mund të jenë përfshirë në luftën në Siri. Mes tyre mund të ketë disa qindra nga rajoni i Evropës juglindore, përfshirë edhe nga Kosova, Shqipëria e Maqedonia. Në Kosovë, askush nuk ka shumë të dhëna për numrin e luftëtarëve shqiptarë, por autoritetet dhe analistët e zhvillimeve në Lindjen e Mesme thonë se përfshirja në këtë luftë nuk ndihmon as Kosovën e as Sirinë.