Në Kosovë, autoritetet vendase e ndërkombëtare kanë filluar kërkimet në një vend të dyshuar se mund të ketë trupa të mbi 20 pjesëtareve të komunitetit serb të zhdukur gjatë luftës. Kërkimet që po zhvillohen në fshatin Zhilivodë të komunës së Vushtrrisë mund të zgjasin për disa muaj, ndërsa autoritetet ndërkombëtare shprehën përkushtimin për të bërë çmos për ndriçimin e fatit të personave të zhdukur. Edhe 11 vjet pas përfundimit të luftës, nuk dihet asgjë për fatin e mbi 1 mijë e 800 personave, pjesa më e madhe e të cilëve shqiptarë të Kosovës.
Dëgjoni kronikën:
