Në Kosovë, partitë opozitare i bënë thirrje qeverisë së Kosovës që të hapë rrugën për zgjedhje të reja. Thirrjet e tyre pasuan përleshjet e dhunshme që shpërthyen pasditen e së shtunës në rrugët e Prishtinës në përfundim të protestës së organizuar nga partitë opozitare me kërkesën për rrëzimin e qeverisë dhe zhbërjen e marrëveshjes me Serbinë për krijimin e asociacionit të komunave me shumicë serbe dhe asaj për shënimin e kufirit me Malin e Zi.
