Lidhje

Kosovë: Parlamenti miraton reformat zgjedhore dhe guvernatorin e Bankës Qendrore

  • Leonat Shehu

Kosovë: Parlamenti miraton reformat zgjedhore dhe guvernatorin e Bankës Qendrore

Kosovë: Parlamenti miraton reformat zgjedhore dhe guvernatorin e Bankës Qendrore

Parlamenti i Kosovës miratoi sot themelimin e dy komisioneve të përkohshme për ndryshimet kushtetuese dhe reformën e sistemit zgjedhor.

Komisionet që do të kenë nga nëntë anëtarë do të drejtohen nga Partia Demokratike në pushtet dhe Lidhja Demokratike e Kosovës në opozitë.

Themelimi i komisioneve shënon edhe fillimin e zbatimit të marrëveshjes së arritur ndërmjet udhëheqësve të Partisë Demokratike, Lidhjes Demokratike të Kosovës dhe Aleancës Kosova e Re për këto reforma, marrëveshje kjo e cila mundësoi zhbllokimin e ngërçit politikë në fillim të këtij muaji dhe zgjedhjen e presidentes së vendit më 7 prill.

Marrëveshja, e cila u arrit me ndërmjetësimin e ambasadorit amerikan Christopher Dell parasheh që zgjedhjet presidenciale të mbahen pas më se një viti, ndërsa ato parlamentare pas më se dy vjet e gjysmë.

Sipas marrëveshjes, ndryshimet kushtetuese do të duhej të përfshinin pjesën që i takon zgjedhjes së presidentit me qëllim që në të ardhmen ai të zgjidhet me votat e drejtpërdrejta të qytetarëve.

Por, ditëve të fundit kryeministri i Kosovës, Hashim Thaçi, tha se ndryshimet duhet të jenë thelbësore që përshpejtojnë forcimin e shtetit dhe përmbylljen e fazës së pavarësisë së mbikëqyrur.

Po sot, Parlamenti zgjodhi me shumicë votash guvernatorin e Bankës Qendrore të Kosovës. Me 58 vota pro, Gani Gërguri, mori postin e guvernatorit, duke pasuar ish guvernatorin Hashim Rexhepi, i cili u arrestua më 23 korrik të vitit të kaluar nën dyshimet për keqpërdorim të detyrës zyrtare, marrje të ryshfetit, shmangie taksash, ushtrim të ndikimit dhe pastrim parash.

Të ngjashme

XS
SM
MD
LG