Kryeministrat e Kosovës dhe Shqipërisë Hashim Thaçi dhe Edi Rama, nënshkruan sot në Prizren një deklaratë të përbashkët për bashkëpunim dhe partneritet strategjik ndërmjet të dy vendeve. Në takimin e parë të përbashkët të dy qeverive që ata e cilësuan si ngjarje historike, kryeministrat u angazhuan për bashkëpunim të ngushtë drejt integrimeve evropiane si rrugë e bashkimit të dy shteteve. Mbledhja e radhës e dy qeverive pritet të mbahet nga fundi i pranverës në Vlorë.