Në Kosovë raporti i progresit i Komisionit Evropian ka nxitur reagime të ndryshme të pushtetit dhe të opozitës. Përfaqësuesit e institucioneve theksojnë se raporti me gjithë vërejtjet është më pozitiv sesa ai i vitit të kaluar dhe sfidat e përshkruara në të janë po ato që janë identifikuar nga vet institucionet. Opozita ndërkaq thekson se raporti është negativ për vendin dhe pasqyron gjendjen reale në vend, të krijuar nga institucionet e Kosovës.