Udhëheqësit e partive të koalicionit qeverisës në Kosovë, u takuan për herë të parë që nga dorëheqja e presidentit Fatmir Sejdiu, për të diskutuar rrugëdaljen nga gjendja e krijuar me këtë dorëheqje. Autoritetet thonë se këshillimet do të vazhdojnë, ndërsa gjithnjë e më shumë po debatohet për zgjedhje të parakohshme. Edhe autoritetet ndërkombëtare thonë se kjo është një nga mundësitë për tejkalimin e gjendjes së krijuar, por mohojnë që Kosova po përballet me krizë institucionale.