Diplomatë perëndimorë në Prishtinë pritet të shtojnë përpjekjet, në dy ditët e ardhshme, për të arritur pajtueshmëri me udhëheqësit e institucioneve dhe të partive politike, për përfundimin e procesit të krijimit të gjykatës së posaçme dhe vazhdimin e mandatit të misionit të Bashkimit Evropian për sundimin e ligjit.
Tashmë po pritet përgjigja që duhet t’i kthejë letrës ftesë së presidentes së Kosovës, Atifete Jahjaga, shefja e politikës së jashtme të Bashkimit Evropian, Catherine Ashton. Shkëmbimi i letrave do të hap rrugën për një votim në parlament për çështjen e Gjykatës, që ka ngjallur reagime të shumta të subjekteve politike në vend.
Letra e Catherine Ashton, do t’i mundësojë qeverisë së Kosovës, që së bashku me një pako ligjesh që e përcaktojnë mandatin e EULEX-it në Kosovë, ta dërgojë atë në Parlament, për t’u votuar në një seancë të jashtëzakonshme me shumë gjasa më 22 Prill.
Gjykata e posaçme dhe vazhdimi i mandatit të EULEX-it, ishte pjesë e bisedimeve të qeverisë së Kosovës, përgjatë disa muajve me Bashkimin Evropian, që, siç thonë zyrtare ndërkombëtarë, do të ndihmojë në vendosjen e sundimit të ligjit dhe do të trajtojë pretendimet e ngritura në raportin e të dërguarit të Këshillit të Evropës Dick Marty, për përfshirjen e ish drejtuesve të Ushtrisë Clirimtare të Kosovës në krime lufte.
Qeveria e Kosovës, e cila i ka negociuar hollësitë e krijimit të gjykatës dhe të mandatit të EULEX-it, thotë se ka arritur që të përkufizojë mandatin e misionit të BE-së, deri në qershor të vitit 2016, kur të gjitha përgjegjësitë për sundimin e ligjit do të kalojnë tek institucionet e vendit.
Kryesia e Parlamentit të Kosovë ka lënë të hapur mundësinë që çështja të hidhet për miratim kurdo që deputetëve u dorëzohen materialet e punës, varësisht nga procesi i këmbimit të letrave ndërmjet presidentes Jahjaga dhe zonjës Ashton, duke mos përjashtuar mundësinë që kjo të ndodhë edhe ne seancën e rregullt të së enjtes.
Ndonëse, nuk shihet me sy të mirë nga asnjë forcë politike në Kosovë, miratimi i gjykatës së posaçme pritet të ndodhë në Parlamentin e Kosovës, për të shmangur atë që është cilësuar si veprim më i dëmshëm për Kosovën, themelimin e gjykatës nga Këshilli i Sigurimit i Kombeve të Bashkuara.
Votimi në parlamentin e Kosovës i ligjeve të dorëzuara nga qeveria për mandatin e EULEX-it dhe krijimin e gjykatës së posaçme, do të shënojë, sipas të gjitha gjasave edhe fundin e mandatit të këtij parlamenti.
Përfaqësues politikë thonë se pas këtij votimi, parlamenti mund të vendosë menjëherë për shpërndarjen e tij, duke i hapur rrugë zgjedhjeve parlamentare, me gjasë në fund të muajit maj ose që në fillim të qershorit.
Tashmë po pritet përgjigja që duhet t’i kthejë letrës ftesë së presidentes së Kosovës, Atifete Jahjaga, shefja e politikës së jashtme të Bashkimit Evropian, Catherine Ashton. Shkëmbimi i letrave do të hap rrugën për një votim në parlament për çështjen e Gjykatës, që ka ngjallur reagime të shumta të subjekteve politike në vend.
Letra e Catherine Ashton, do t’i mundësojë qeverisë së Kosovës, që së bashku me një pako ligjesh që e përcaktojnë mandatin e EULEX-it në Kosovë, ta dërgojë atë në Parlament, për t’u votuar në një seancë të jashtëzakonshme me shumë gjasa më 22 Prill.
Gjykata e posaçme dhe vazhdimi i mandatit të EULEX-it, ishte pjesë e bisedimeve të qeverisë së Kosovës, përgjatë disa muajve me Bashkimin Evropian, që, siç thonë zyrtare ndërkombëtarë, do të ndihmojë në vendosjen e sundimit të ligjit dhe do të trajtojë pretendimet e ngritura në raportin e të dërguarit të Këshillit të Evropës Dick Marty, për përfshirjen e ish drejtuesve të Ushtrisë Clirimtare të Kosovës në krime lufte.
Qeveria e Kosovës, e cila i ka negociuar hollësitë e krijimit të gjykatës dhe të mandatit të EULEX-it, thotë se ka arritur që të përkufizojë mandatin e misionit të BE-së, deri në qershor të vitit 2016, kur të gjitha përgjegjësitë për sundimin e ligjit do të kalojnë tek institucionet e vendit.
Kryesia e Parlamentit të Kosovë ka lënë të hapur mundësinë që çështja të hidhet për miratim kurdo që deputetëve u dorëzohen materialet e punës, varësisht nga procesi i këmbimit të letrave ndërmjet presidentes Jahjaga dhe zonjës Ashton, duke mos përjashtuar mundësinë që kjo të ndodhë edhe ne seancën e rregullt të së enjtes.
Ndonëse, nuk shihet me sy të mirë nga asnjë forcë politike në Kosovë, miratimi i gjykatës së posaçme pritet të ndodhë në Parlamentin e Kosovës, për të shmangur atë që është cilësuar si veprim më i dëmshëm për Kosovën, themelimin e gjykatës nga Këshilli i Sigurimit i Kombeve të Bashkuara.
Votimi në parlamentin e Kosovës i ligjeve të dorëzuara nga qeveria për mandatin e EULEX-it dhe krijimin e gjykatës së posaçme, do të shënojë, sipas të gjitha gjasave edhe fundin e mandatit të këtij parlamenti.
Përfaqësues politikë thonë se pas këtij votimi, parlamenti mund të vendosë menjëherë për shpërndarjen e tij, duke i hapur rrugë zgjedhjeve parlamentare, me gjasë në fund të muajit maj ose që në fillim të qershorit.