Qeveria e Kosovës miratoi sot raportin e Komisionit Shtetëror për përcaktimin e vijës shtetërore kufitare në mes të Kosovës dhe Malit të Zi. Miratimi i raportit hap rrugë për nënshkrimin e marrëveshjes me Malin e Zi e cila pastaj shkon në parlament për ratifikim. Ky proces ka nxitur shumë debate në Kosovë, ku opozita thotë se Kosova po rrezikon të humbë pjesë të territorit të saj, ndërsa qeveria thekson se Kosova nuk do të humbë asnjë metër katror.