Parlamenti i Kosovës shtyu për ditët në vazhdim votimin e ndryshimeve ligjore dhe kushtetuese për themelimin e Forcave të Armatosura, që duhet të zëvendësojnë Forcat e Sigurisë së Kosovës. Shtyrja, u tha se u bë për shkak të nevojës për vazhdimin e këshillimeve për gjetjen e një rrugëdaljeje, meqë seanca u braktis nga deputetët serbë të cilët nuk pranojnë themelimin e Forcave tw Armatosura pa u përmbushur kërkesa e tyre për vazhdimin e vendeve të rezervuara edhe për dy mandate.
Pakicat kombëtare në Kosovë, sipas ligjeve aktuale kanë 20 vende të garantuara në Parlament, ndërsa me vendet e rezervuara ata sigurojnë deputetë shtesë.
Miratimi i ndryshimeve kushtetuese është i pamundur pa dy të tretat e deputetëve nga radhët e pakicave kombëtare.
Lidhja Demokratike Kosovës dhe Lëvizja Vetëvendosje në mënyrë kategorike janë duke kundërshtuar që pakicave t'u mundësohen vendet e rezervuara edhe për dy mandate. Çështja është diskutuar edhe në një takim në orët e mëngjesit ndërmjet partive politike me lehtësimin e ambasadës amerikane në Prishtinë, por pa ndonjë marrëveshje.
Partitë në pushtet e cilësojnë si mundësi historike themelimin e këtyre forcave duke përsëritur paralajmërimin që nëse votimi i saj nuk ndodhë në këtë përbërje të parlamentit, atëherë do të kalojnë vite të tëra deri në themelimin e Forcave të Armatosura.
Ato druajnë që pas zgjedhjeve të reja, në parlament do të zgjidhen përfaqësuesit e listës qytetare serbe, një forcë politike e mbështetur nga Beogradi, e cila fitoi pushtetin në 9 nga dhjetë komunat me shumicë serbe në zgjedhjet për pushtetin komunal të vitit të kaluar.
Takimi i hënës nuk siguroi ndonjë marrëveshje as për kohën e mbajtjes së zgjedhjeve të reja parlamentare, ndonëse tashmë ka një pajtim ndërmjet Partisë Demokratike dhe Lidhjes Demokratike të Kosovës që ato të mbahen më 8 qershor, ndërsa një pjesë e partive politike thonë se vjeshta duhet të jetë stinë zgjedhjesh në Kosovë.
Pakicat kombëtare në Kosovë, sipas ligjeve aktuale kanë 20 vende të garantuara në Parlament, ndërsa me vendet e rezervuara ata sigurojnë deputetë shtesë.
Miratimi i ndryshimeve kushtetuese është i pamundur pa dy të tretat e deputetëve nga radhët e pakicave kombëtare.
Lidhja Demokratike Kosovës dhe Lëvizja Vetëvendosje në mënyrë kategorike janë duke kundërshtuar që pakicave t'u mundësohen vendet e rezervuara edhe për dy mandate. Çështja është diskutuar edhe në një takim në orët e mëngjesit ndërmjet partive politike me lehtësimin e ambasadës amerikane në Prishtinë, por pa ndonjë marrëveshje.
Partitë në pushtet e cilësojnë si mundësi historike themelimin e këtyre forcave duke përsëritur paralajmërimin që nëse votimi i saj nuk ndodhë në këtë përbërje të parlamentit, atëherë do të kalojnë vite të tëra deri në themelimin e Forcave të Armatosura.
Ato druajnë që pas zgjedhjeve të reja, në parlament do të zgjidhen përfaqësuesit e listës qytetare serbe, një forcë politike e mbështetur nga Beogradi, e cila fitoi pushtetin në 9 nga dhjetë komunat me shumicë serbe në zgjedhjet për pushtetin komunal të vitit të kaluar.
Takimi i hënës nuk siguroi ndonjë marrëveshje as për kohën e mbajtjes së zgjedhjeve të reja parlamentare, ndonëse tashmë ka një pajtim ndërmjet Partisë Demokratike dhe Lidhjes Demokratike të Kosovës që ato të mbahen më 8 qershor, ndërsa një pjesë e partive politike thonë se vjeshta duhet të jetë stinë zgjedhjesh në Kosovë.