Në Kosovë, autoritetet vendase dhe amerikane vlerësuan lartë programin e partneritetit shtetëror ndërmjet Gardës Kombëtare të Iowa-s dhe Forcës së Sigurisë së Kosovës. Ky partneritet ishte vendosur në pranverën e vitit të kaluar për të nxitur bashkëpunimin ndërmjet shtetit të Iowas dhe Kosovës.
Një delegacion i drejtuar nga komandanti i Gardës Kombëtare të shtetit amerikan Tomothy Orr, po qëndron në Kosovë.
Presidentja e vendit Atifete Jahjaga e vlerësoi ndihmesën e madhe të Gardës në aftësimin e pjesëtarëve të Forcës së Sigurisë së Kosovës, ndërsa vlerësoi lartë gatishmërinë e kësaj force për të marrë pjesë në misionet ndërkombëtare.
Ministri i Forcës së Sigurisë, Agim Ceku, tha se “vendosja e partneritetit shtetëror më Gardën Kombëtare të Iowas, ishte një ndër arritjet më të mëdha të kësaj force”. Ai tha se bashkëpunimi është shumë i frytshëm dhe shumë dinamik.
Gjenerali Orr, shprehu përkushtimin e vendit të tij që ta ndihmojë Kosovën edhe në fushën e bujqësisë, energjisë alternative por edhe në fusha të tjera.
Që nga muaji mars, zyrtarë të lartë të Kosovës, përfshirë edhe presidenten e Kosovës, Atifete Jahjaga kanë qëndruar në shtetin e Iowas për të thelluar bashkëpunimin, si pjesë e mbështetjes së vazhdueshme të Shteteve të Bashkuara ndaj Kosovës.
Një delegacion i drejtuar nga komandanti i Gardës Kombëtare të shtetit amerikan Tomothy Orr, po qëndron në Kosovë.
Presidentja e vendit Atifete Jahjaga e vlerësoi ndihmesën e madhe të Gardës në aftësimin e pjesëtarëve të Forcës së Sigurisë së Kosovës, ndërsa vlerësoi lartë gatishmërinë e kësaj force për të marrë pjesë në misionet ndërkombëtare.
Ministri i Forcës së Sigurisë, Agim Ceku, tha se “vendosja e partneritetit shtetëror më Gardën Kombëtare të Iowas, ishte një ndër arritjet më të mëdha të kësaj force”. Ai tha se bashkëpunimi është shumë i frytshëm dhe shumë dinamik.
Gjenerali Orr, shprehu përkushtimin e vendit të tij që ta ndihmojë Kosovën edhe në fushën e bujqësisë, energjisë alternative por edhe në fusha të tjera.
Që nga muaji mars, zyrtarë të lartë të Kosovës, përfshirë edhe presidenten e Kosovës, Atifete Jahjaga kanë qëndruar në shtetin e Iowas për të thelluar bashkëpunimin, si pjesë e mbështetjes së vazhdueshme të Shteteve të Bashkuara ndaj Kosovës.