Lidhje

Kristin Lagard premton të vazhdojë punën me reformat

  • Zëri Amerikës

Kristin Lagard premton të vazhdojë punën me reformat

Kristin Lagard premton të vazhdojë punën me reformat

Shefja e re e Fondit Monetar Ndërkombëtar, Kristin Lagard, premtoi se do të vazhdojë punën me reformat për t’u dhënë më shumë ndikim ekonomive me zhvillim të shpejtë në këtë institucion financiar.

Duke folur sot në konferencën e saj të parë për shtyp si shefe e FMN-së, ish-ministrja franceze e financave tha se ekonomia botërore po e merr veten nga kriza financiare, por në mënyrë jo të njëtrajtshme, ku ekonomi si Kina dhe India po rriten më shpejt se ato të vendeve në zhvillim.

Ajo tha se "bota do të vazhdojë të ndryshojë," dhe pranoi se këto ndryshime duhet të pasqyrohen në "përbërjen e forumeve drejtuese dhe të njerëzve që punojnë në Fondin Monetar".

Përfaqësues të disa vendeve kishin kërkuar që një kandidat nga një ekonomi me zhvillim të shpejtë të bëhej kreu i ri i FMN-së, por zgjedhja e zonjës Lagarde në këtë post ishte në vazhdën e traditës që ky institucion të drejtohet nga një evropian.

Lagard u zgjodh në këtë post javën e kaluar dhe e filloi mandatin e saj pesë-vjeçar të martën.

XS
SM
MD
LG