Lidhje

Kryengritësit libianë tërhiqen me shpejtësi drejt lindjes

  • Zëri Amerikës

Kryengritësit libianë tërhiqen me shpejtësi drejt lindjes

Kryengritësit libianë tërhiqen me shpejtësi drejt lindjes

Kryengritësit libianë po tërhiqen me shpejtësi drejt lindjes pasi forcat besnike të udhëheqësit Moamar Gadafi i detyruan ata sot të largohen nga një qytet port kyç i naftes.

Lajmet e agjencive perëndimore jashtë qytetit Ras Lanuf bëjnë të ditur se kryengritësit po tërhiqen si pasojë e luftimeve intensive me forcat pro-qeveritare, që po i godasin ata me predha dhe raketa.

Sipas lajmeve, një numër i madh kryengritësish ikën me kamionë, duke u tërhequr nga i gjithë teritori i fituar që prej përparimit drejt perëndimit gjatë fundit të javës.

Dje, trupat pro-Gadafit zbrapsën përparimin e kryengritësve, duke përdorur zjarr tankesh dhe artilerie si dhe duke i detyruar ata që të tërhiqen në mes të panikut. Luftëtarët e opozitës kërkuan ndihmën e sulmeve ajrore të forcave aleate, ndërsa tërhiqeshin.

Trupat besnike të Gadafit vazhduan të mbajnë të rrethuar sot qytetin e Misratas, baza e fundit e rëndësishme e kryengritësve në pjesën perëndimore të Libisë.

Vendet perëndimore filluan më 19 mars zbatimin e zonës së ndalim-fluturimeve mbi Libi në bazë të rezolutës së OKB-së. Vende anëtare të NATO-s do të fillojnë sot të zbatojnë të gjitha operacionet ushtarake në këtë vend të Afrikës veriore.

XS
SM
MD
LG