Lidhje

Kukan: Zgjedhja e Presidentit, një rast tjetër i humbur për bashkëpunim


Kryetari i Delegacionit të Parlamentit Evropian për marrëdhëniet me Shqipërinë, europarlamentari Eduard Kukan duke përshëndetur zgjedhjen e president të ri të Shqipërisë Bujar Nishani, tha se shpreson që presidenti i ri do të jetë në gjendje të bashkojë dhe të përfaqësojë në mënyrë të pavarur gjithë qytetarët e Shqipërisë dhe t’u shërbejë interesave të tyre.

Zgjedhja e presidentit, thotë zyrtari i lartë i Parlamentit Evropian, ishte një shans për gjithë forcat politike në Shqipëri për të bashkëpunuar. Por për fat të keq, shton ai, procesi ishte një shans tjetër i humbur.

Pa rezultate të dukshme në përmirësimin e jetës politike, vendi mund të humbasë raste të tjera të rëndësishme, shprehet deputeti evropian. Sfidat me të cilat ndeshet Shqipëria, thekson ai, kërkojnë bashkëpunim politik.

Trego komentet

XS
SM
MD
LG