Lidhje

Tirana feston Kurban Bajramin


Mijëra besimtarëve muslimanë shqiptarë festuan sot Kurban Bajramin, një nga ditët më të rëndësishme për besimin e tyre.

Ata u mblodhën qysh herët në mëngjes pranë xhamive duke uruar njëri tjetrin për festën, që u kujton të gjithëve mëshirën e Zotit, dhrumin, paqen dhe sakrifikimin.

Mijëra besimtarë të të gjitha moshave u falën sot në shëtitoren Dëshmorët e Kombit, për të nderuar ditën kur porosia kryesore është të ndihmohen të sëmurët, të braktisurit të pafuqishmit dhe të pambrojturit.

Udhëheqësit fetarë bënë thirrje në ditën e Kurban Bajramit, që çdo besimtar të punojë për paqen shoqërore, të shuajë mosmarrëveshjet dhe të kurojë plagët e vjetra, duke ndjekur shembullin e mëshirës së Zotit, dhe duke dashur dhe respektuar njëri-tjetrin.

Përfaqësuesit e komunitetit musliman shprehën urimet dhe shpresat e tyre me rastin e kësaj feste, që me veprime konkrete besimtarët t'i kthejnë ndarjet në vëllazërim, dhe të lënë mënjanë dyshimet dhe të bëhen besimplotë në mësimet e shenjta.

Edhe këtë vit besimtarët e shumtë u falën në shëtitoren Dëshmorët e Kombit, ndërsa pak metra më tutje është duke u ndërtuar xhamia e Namasgjasë, punimet e të cilës u vonuan për shumë vite.

Liritë fetare janë zhvilluar mjaft vitet e fundit në Shqipëri pas gjysmë shekulli diktaturë komuniste, kur u vranë e u burgosën mijëra klerikë dhe besimtarë.

Tashmë besimet fetare janë shtrirë gjerësisht në Shqipëri, duke përfshirë të madh e të vogël, e ndërkohë në të gjithë vendin mbizotëron një harmoni dhe bashkëjetesë ndërfetare shembullore.

Prej disa shekujsh këtu nuk është regjistuar asnjë konflikt sado i vogël i motivuar fetarisht, ndërsa besimtarët e feve të ndryshme ua urojnë reciprokisht festat njëri-tjetirt.

XS
SM
MD
LG