Lidhje

Raport i ri i agjencisë amerikane të Anti-Dopingut


Kjo agjenci tha se ekipi i çiklizmit i udhëhequr nga Lance Armstrong ishte përfshirë në një program dopingu të përgatitur me kujdes

Agjencia amerikane e Anti-Dopingut tha se ekipi i çiklizmit i udhëhequr nga fituesi për shtatë herë i Turit të Francës, Lance Armstrong, ishte përfshirë në një program dopingu të përgatitur me kujdes.

Agjencia bëri publik një raport me më shumë se 1 mijë faqe, ku paraqiten prova dhe dëshmi prej 26 personave, duke përfshirë edhe ish-anëtarë të skuadrës së Lance Armstrong, si dhe çiklistë të tjerë.

Shefi ekzekutiv i kësaj agjencie, Travis Tigart, tha se përdorimi i substancave të ndaluara nga çiklistët amerikanë ishte "programi më i profesionalizuar dhe më i suksesshëm dopingu i shfaqur ndonjëherë në botën e sportit."

Agjencia i ka hequr çiklistit Armstrong titujt e tij për Turin e Francës.

Zoti Armstrong ka mbrojtur pafajësinë e tij gjatë gjithë rrjedhës së hetimeve, por ai ka thënë se është lodhur duke luftuar dhe se nuk do të përgjigjet ndaj akuzave për doping.

Trego komentet

XS
SM
MD
LG