Lidhje

SHBA-Rusi, argumente të ndryshme rreth mbështetjes ruse për Assadin


Presidenti rus Vladimir Putin tha se marrëdhëniet mes Moskës dhe Shteteve të Bashkuara janë keqësuar që nga koha kur Presidenti Donald Trump mori detyrën tre muaj më parë.

Komentet e zotit Putin në median shtetërore u bënë ndërsa kryediplomatët e dy vendeve, Sergei Lavrov dhe Rex Tilleson, paraqitën argumente të ndryshme lidhur me mbështjen e Rusisë për presidentin sirian Bashar al-Assad si dhe goditjen amerikane me raketa si përgjigje ndaj sulmit me armë kimike ndaj civilëve në Siri.

Dje zyrtarë amerikanë të sigurisë kombëtare fajësuan Asadin për sulmin me armë kimike. Dallimet mes palëve u vunë re në pritjen e ftohtë që zoti Lavrov i bëri zotit Tillerson para bisedimeve.

Ministri i jashtëm rus tha se vendi i tij kishte shumë pyetje në lidhje me ato që ai i cilësoi si deklarata "shumë të paqarta" dhe "kontradiktore" që vijnë nga Shtetet e Bashkuara.

Por zoti Tillerson kërkoi që fryma e bisedimeve të ishte e sinqertë edhe kur qasjet taktike të palëve janë të ndryshme.

Ministri i Jashtëm rus tha se është e rëndësishme që Rusia të kuptojë qëllimet e SHBA.

Zoti Lavrov iu referua gjithashtu goditjes nga ana e SHBA të një baze ajrore siriane javën e kaluar si kundërpërgjigje ndaj një sulmi me armë kimike në Siri, duke e quajtur "shqetësues" reagimin amerikan.

Deklarata e hapjes e Sekretarit të Shtetit Tillerson ishte më e shkurtër, por, ashtu si zoti Lavrov, ai tha se bisedimet e së mërkurës vijnë në një moment të rëndësishëm dhe do të përfshijnë një diskutim të sinqertë të dallimeve dhe interesave reciproke të dyja palëve.

Kryediplomati amerikan tha se linjat e komunikimit mes dy vendeve "do të mbeten gjithmonë të hapura." Ai tha se dëshiron të kuptojë arsyen se përse mes Rusisë dhe SHBA ekzistojnë aspekte dallimesh të mprehta si dhe perspektivën për ngushtimin e këtyre dallimeve.

US Secretary of State Rex Tillerson steps out of a plane upon arrival in Moscow's Vnukovo airport, Russia, April 11, 2017.
US Secretary of State Rex Tillerson steps out of a plane upon arrival in Moscow's Vnukovo airport, Russia, April 11, 2017.

Zoti Tillerson shkoi në Rusi me më pak mjete sesa Uashingtoni dhe Londra shpresonin të kishin në dispozicion për të bindur Rusinë të braktisë mbështetjen ndaj presidentit sirian Bashar al Assad.

Por ai sjell një ultimatum të ashpër, pas njoftimeve që citojnë zyrtarë të të lartë amerikanë, të cilët thonë se Rusia ishte paraprakisht në dijeni të sulmit me armë kimike që vrau shumë njerëz, përfshirë gra dhe fëmijë.

“Ne nuk mund të lejojmë që kjo të ndodhë përsëri," u tha zoti Tillerson gazetarëve përpara se të nisej për në Moskë.

Victims of the chemical weapons attack lie on the ground in Khan Sheikhoun, in the northern province of Idlib, Syria, April 4, 2017.
Victims of the chemical weapons attack lie on the ground in Khan Sheikhoun, in the northern province of Idlib, Syria, April 4, 2017.

Sulmi me armë kimike ngjalli protesta kudo në botë dhe u bë shkak për një goditje amerikane me raketa që shënoi një pikë kthese në qëndrimin e administratës së Presidentit Trump ndaj konfliktit në Siri që vazhdon prej shtatë vjetësh.

Facebook Forum

XS
SM
MD
LG