Përfaqësues organizatash joqeveritare thanë sot se Kosova ndeshet me mjaft sfida në procesin e liberalizimit të vizave, ndërsa u bënë thirrje institucioneve që ta trajtojnë me përparësi këtë çështje. Grupi për studime juridike dhe politike në Prishtinë, i cili ka bërë një studim për këtë çështje, tërheq vëmendjen në faktin se pa rezultate në luftën kundër krimit të organizuar dhe korrupsionit, Kosova nuk mund të llogaris në vendosjen e marrëdhënieve normale me Bashkimin Evropian.
