Lidhje

Ligjvënësit amerikanë për një ristrukturim të rregulloreve të ushqimit

  • Zëri Amerikës

Ligjvënësit amerikanë për një ristrukturim të rregulloreve të ushqimit

Ligjvënësit amerikanë po punojnë për një ristrukturim të rregulloreve të ushqimit, që do të ishte reforma e parë madhore e kësaj fushe prej më se 70 vjetësh.

Senati amerikan miratoi sot një masë prej 1,4 miliard dollarësh që do t’i jepte të drejtën qeverisë për të ndaluar shitjen e ushqimit të prishur. Aktualisht, qeveria ka të drejtë vetëm të negociojë me kompanitë, që këto të ndalojnë vullnetarisht shitjen e ushqimit.

Legjislacioni do të rriste po ashtu numrin e inspektimeve që zyrtarët mund të kryenin nëpër firma vendase dhe të huaja.

Ai po ashtu kërkon që kompanitë e mëdha të përpunimit dhe prodhimit të ushqimit t’i dorëzojnë qeverisë plane për kushtet sanitare.

Ligjvënësit filluan punën për reformimin e Administratës së Ushqimit dhe Ilaçeve pas disa përhapjeve vdekjeprurëse të baktereve E. coli dhe salmonella. Konsumatorët u prekën prej baktereve nga ushqimi i prishur, përfshirë spinaqin, vezët dhe kikirikët.

Ligjvënësit në Dhomën e Përfaqësuesve miratuan një legjislacion të ngjashëm vitin e kaluar.

XS
SM
MD
LG