Lidhje

Protesta e opozitës para parlamenit


Opozita zhvilloi sot para parlamentit në Tiranë një tjetër tubim proteste kundër korrupsionit të qeverisë, duke kërkuar zgjedhje të parakohshme dhe një aksion më të madh politik në janar.

Tirane, protesta e opozites
please wait

No media source currently available

0:00 0:03:43 0:00

Kryetari i Partisë Demokratike të opozitës, Lulzim Basha, tha se qeveria Rama është de facto e rrëzuar, sepse është e korruptuar.

Ai tha se qytetarët duhet ta ndëshkojnë korrupsionin në çdo mënyrë e në çdo formë, që e ndeshin.

Zoti Basha tha se qeveria Rama blen makina luksi dhe nuk u ndan familjeve të varfëra ndihmat ekonomike.

Sipas tij, janë zhdukur dhe kanë ndryshuar adresë paratë e ndara për rrugë, spitale, shkolla, çerdhe.

Drejtuesit e opozitës folën me shqetësim për situatë e vështirë ekonomike, e cila sipas tyre vjen nga qeveritarët e korruptuar, të cilët shkelin të parët cdo ligj dhe rregullnë dogana, në arsim, energji.

Kryetari i Partisë Demokratike, Basha tha se largimi i koalicionit qeveritar PS-LSI është mëse i nevojshëm dhe një kapitull i ri për demokracinë shqiptare.

Protesta e opozitës u zhvillua në oborrin e parlamentit, ku vazhdoi diskutimi i ligjeve të fundit për këtë vit, vendime dhe marrëveshje të zakonshme për ekonominë dhe infrastrukturën.

Parlamenti miratoi seancën e kaluar me shumicë dërrmuese votash ligjin për dekriminalizimin e politikës, i cili pritet të largojë nga administrata dhe politika persona me regjistrime veprash kriminale.

Presidenti Nishani e dekretoi sot ligjin që pritet të sjellë një pastrim të konsiderueshëm në administratën e lartë shtetërore dhe në pushtetin vendor.

Ligji për dekriminalizimin u miratua një vit pasi partitë ranë dakord për të në prag të krishtlindjeve të kaluara.

Shumica dhe opozita besojnë njëlloj se po japin së bashku ndihmesën në pastrimi i politikës nga të inkriminuarit dhe se po shtojnë transparencën në radhët e saj.

Protesta në oborrin e parlamentit gjatë seancës së fundit të tij tregoi, sipas vëzhguesve, se skena politike do të mbetet e tensionuar në fillim të vitit megjithë diferencën e thellë të votave mes deputeëve.

XS
SM
MD
LG