Të premten në Maqedoni duhet të formohet qeveria teknike, sipas kushteve nga marrëveshja ndërmjet katër partive më të mëdha politike në vend. Por, që kjo të ndodhë, kryeministri Nikolla Gruevski duhet të japë dorëheqjen. Analistët mendojnë se për shkak të zvarritjes së reformave që dalin nga marrëveshja politike, gjasat janë të mëdha që data e zgjedhjeve të parakohshme, e caktuar për 24 prill, të shtyhet për disa muaj.