Ambasadori i ri amerikan në Shkup Jess Baily tha sot se shpreson që kriza politike në Maqedoni të zgjidhet në mënyrë pozitive, duke respektuar sundimin e ligjit, transparencën dhe pavarësinë e gjyqësorit dhe lirinë e shtypit. Ai i bëri komentet pasi i dorëzoi letrat kredenciale Presidentit maqedonas Gjorgje Ivanov. Zoti Ivanov tha se Maqedonia i shikon Shtetet e Bashkuara si partnerin më të madh strategjik, ndërsa pret mbështetjen e tyre për integrimet euroatlantike të vendit të tij.