Bashkimi Evropian ka kërkuar që të mos nxiten tensionet politike dhe ndëretnike pas incidentit në fshatin Goshincë, afër kufirit me Kosovën, ndërsa këshillon komunikimin në nivel më të lartë midis Maqedonisë dhe Kosovës për pengimin e kalimeve ilegale të kufirit. Ndërkohë, në Shkup po shtohen debatet lidhur me vërtetësinë e ngjarjes në kufirin me Kosovën, në veçanti në këtë kohë të skandalit të përgjimeve dhe të krizës politike në Maqedoni.