Bisedimet midis partive kryesore në Maqedoni kanë ngecur, dhe me këtë edhe reformat që dalin nga marrëveshja e 2 qershorit. Partitë ia hedhin fajin njëra tjetrës dhe nuk po arrijnë të merren vesh, sidomos për kompetencat që duhet të ketë ministri i ri i Punëve të brendshme dhe anëtarët e tjerë të qeverisë teknike, e cila duhet të formohet para zgjedhjeve të prillit. Analistët mendojnë se nuk ekzistojnë kushtet për një transferim të qetë të institucioneve.