Të martën në Shkup vazhdoi konferenca jubilare me rastin e dhjetë vjetorit të Marrëveshjes së Ohrit, e cila i dha fund konfliktit të armatosur midis kryengritësve shqiptarë dhe forcave qeveritare maqedonase. Eskpertët maqedonas pajtohen se shqiptarëve u ishin kufizuar të drejtat që para rënies së komunizmit, ndërsa studiuesit shqiptarë vënë në dukje se marrëveshja ka pak mbështetje tek popullata maqedonase dhe se autoritetet maqedonase ngurrojnë ta zbatojnë atë në praktikë.