Autoritetet në Maqedoni vazhdojnë t’i kërkojnë ndihma financiare Bashkimit Europian për menaxhimin e gjendjes me emigrantët nga Lindja e Mesme. Në të dy kampet e ngritura kanë mbetur më pak se 200 imigrantë dhe qeveria maqedonase vazhdimisht është ankuar se të gjitha shpenzimet janë bërë nga fondet shtetërore. Nga ana tjetër, Shkupi është vënë në qendër të kritikave të Komisionerit të OKB-së për të Drejtat e Njeriut për shkak të mënyrës së trajtimit dhe dëbimit të imigrantëve.
