Lidhje

Tiranë: Takimi Meta - Basha për reformën në drejtësi


Shumica dhe opozita u takuan përsëri sot për të cuar përpara reformën në drejtësi.

Kryetari i parlamentit dhe i LSI-së, Ilir Meta, dhe kryetari i partisë demokratike të opozitës Lulzim Basha dhe zhvilluan sot një takim, një javë pasi u mbyll pa rezultat takimi i kryetarit të qeverisë me atij të opozitës.

Zoti Basha edhe një herë tjetër kërkoi me ngulm vendet e rezervuara për zgjedhjet në strukturat e drejtësisë.

“E vetmja gjë që kërkojmë si opozitë është që të shmanget kapja e drejtësisë nga qeveria” - tha zoti Basha, duke cituar pika të rekomandimeve nga Komisioni i Venecias.

Ndërsa kryetari i parlamentit dhe i LSI, Meta tha se reforma në sistemin gjyqësor duhej miratuar edhe nga opozita, ndaj ftoi në një takim kryetarin e Partisë Demokratike.

“Sigurojmë që reforma do të diskutohet dhe miratohet me transparencë të plotë, sepse kemi të bëjmë edhe me ndryshime kushtetuese” - tha zoti Meta.

Në takimin e sotëm u kërkua sërish gjuha e përbashkët për miratimin e reformës në drejtësi.

Opozita mori vlerësime për ndihmesën që ka dhënë në procesin e hartimit të ndryshimeve kushtetuese dhe mbështetjen për reformën në drejtësi.

Kryetari i parlamentit dhe i LSI-së i kërkoi zotit Basha të përcaktohej kalendari për miratimin e paketës ligjore të reformën në drejtësi.

Opozita shprehu angazhimin për miratimin sa më parë, pasi të kapërcehet pika që i ndan palët; formula e zgjedhjes së institucioneve të reja sipas komisionit të Venecias.

Trego komentet

XS
SM
MD
LG