Lidhje

Mosmarrëveshje për Eurobondet evropiane

  • Zëri Amerikës

Mosmarrëveshje për Eurobondet evropiane

Mosmarrëveshje për Eurobondet evropiane

Qeveria gjermane dhe Komisioni Evropian duket se kanë mosmarrëveshje mbi alternativat për një zgjidhje afatgjatë të krizës së borxhit. Ndërkohë, që Presidenti i Komisionit Evropian Hoze Manuel Barroso pritet të paraqesë një plan për të ashtuquajtuarat “bonot e stabilitietit” të emetuara në mënyrë të përbashkët nga eurozona, Kancelarja gjermane Angela Merkel nuk i sheh këto bono si zgjidhje afatgjatë e krizës së borxhit.

Udhëheqësit e 27 vendeve të Bashkimit Evropian pritet të diskutojnë mbi bonot e përbashkëta evropiane - ose siç quhen ndryshe eurobonot – në një takim të nivelit të lartë më datë 9 dhjetor. Për çdo masë që do të detyronte shtetet anëtare të shpëtonin nga krizat financiare partnerët e tyre përtej hapave të vullnetshëm, do të nevojiteshin ndryshime në traktatin e Bashkimit Evropian.

Por, Kancelarja Angela Merkel nuk i sheh eurobonot si rruga e duhur drejt një zgjidhjeje afatgjatë të krizës së borxhit, dhe ajo u shpreh se kjo nuk është koha e përshtatshme për të diskututar mbi bonot e përbashkëta evropiane.

“Unë mendoj se është e gabuar që Komisioni propozon eurobonot si zgjidhje të krizës. Ky propozim jep përshtypjen se përballimi i përbashkët i borxheve do të zgjidhë problemet që ne kemi me strukturën e Bashkimit Monetar Evropian. Dhe kjo nuk është e saktë.”

Komisioni ekzekutiv i Bashkimit Evropian e konsideron emetimin e eurobonove, së bashku me zbatimin e rregullave buxhetore më të ashpra, si zgjidhja më e mirë për krizën financiare evropiane. Presidenti i Komisionit, Hoze Manuel Barroso tha sot se shtetet anëtare duhet të bashkëpunojnë më ngushtë për të bërë që politikat e tyre buxhetore të përputhen dhe të jenë në gjendje të evtiojnë situatat gjatë të cilave një vend rrezikon edhe të tjerët duke mos përmbushur detyrimet e tyre financiare.

Por Gjermania, vendi me ekonominë më të madhe në Evropë, është skeptike, veçanërisht në lidhje me Greqinë.

“Problemi me Greqinë nuk është ende i qartë sepse ne nuk janë plotësuar parakushtet për pagesën e këstit tjetër të paketës.”

Kancelarja Merkel nguli këmbë se Greqia do të marrë fondet e rradhës, vetëm nëse ligjvënësit grekë të të gjitha forcave politike zotohen me shkrim të mbështesin masa shtrënguese të rrepta për marrjen e një tjetër pakete të veçantë ndihmash ndërkombëtare.

Pa marrjen e këtij kësti, prej 8 miliardë eurove, të ndihmës evropiane, Greqia nuk do të jetë në gjendje të paguajë rrogat shtetërore dhe pensionet, para Krishtlindjes.

XS
SM
MD
LG