Në Shqipëri forcat e rendit publik kanë shkatërruar gjatë muajit gusht dhjetëra mijëra rrënjë bimë narkotike në qindra parcela të mbjella në të gjithë territorin e vendit.
Analistët mendojnë se përpjekjet e policisë janë të pamjaftueshme, sa kohë që nuk arrestohen kultivuesit dhe nuk parandalohet mbjellja e bimëve nartkotike.
Gjatë 25 ditëve të muajit gusht policia ka shkatërruar dhjetëra parcela dhe qindra-mijëra rrënjë të bimës Canabis Sativa.
Operacione të gjera të forcave të rendit kanë përfshirë gjthë territorin.
Në Tropojë janë shkatërruar 1015 rrënjë bimë narkotike të kultivuara në parcela të hapura rishtas.
Policia e Shkodrës shkatërroi deri tani gjatë gushtit 15759 bimë narkotike dhe ka arrestuar dy persona për kultivim të tyre.
Operacioni i posaçëm në zonën e Dukagjinit angazhoi mbi 450 forca speciale, të cilat zbuluan dhe asgjësuan 286 parcela me 39.607 bimë narkotike, por pa mundur të ndalojë dhe arrestojë kultivuesit e drogës.
Nga fillimi këtij viti, në tre rrethet e Qarkut të Shkodrës policia ka shkatërruar 964 parcela me rreth 133 mijë bimë narkotike.
Vetëm në gusht policia e Lezhës asgjësoi 1720 rrënjë dhe në Pukë 546 kubikë bimë narkotikë.
Operacionet kundër bimëve narkotike kanë vazhduar me intensitet edhe në zona të tjera.
Policia shkatërroi 207 bimë narkotike në Bulqizë, 60 rrënjë canacibs në Tiranë.
Në Kavajë e Rrogozhinë gjatë gushtit janë shkatërruar 13 590 rrenjë bimë narkotike dhe 12 thasë me lëndë të tharë canabis.
Dy kryepleq po ndiqen penalisht në gjendje të lire për mos kallzim krimi e shperdorim detyre.
Policia e Vlorës, gjatë kontrollit në terren kundër kultivimit të bimëve narkotike, ka zbuluar dhe asgjësuar 17336 rrënjë bimësh narkotike. Policia po punon për identifikimin e kultivuesve dhe kapjen e tyre. Në rrethet e jugut Gjirokastra vazhdon kultivimin në nivele të larta, ku u shkatërruan 5250 rrënjë canabis, Delvinë 180 rrënjë, Tepelena asgjësoi 635 bimë, Përmeti vetëm 17 bimë narkotike.
Forcat e rendit shkatërruan gjatë gushtit në Dibër 100 rrënjë bimë narkotike, në Korçë 250 rrënjë, Berat 700 rrënjë, dhe në Librazhd 222 rrënjë.
Arrestimet gjatë kësaj periudhe për kultivim dhe transport canabis janë të pakta: 4 arrestime në Elbasan, 3 në Durrës dhe 2 arrestime në Fier.