Lidhje

NATO dhe Forca e Reagimit të Shpejtë


Shefi i ri i NATO-s, Jens Stoltenberg, thotë se planet për dislokimin e një force të reagimit të shpejtë në Evropën Lindore nuk shkelin marrëveshjen me Rusinë mbi nivelin e forcave ushtarake në rajon.

Stoltenberg i tha Agjencisë së Lajmeve Reuters dje gjatë një vizite në Poloni se NATO vepron në përputhje me detyrimet e saj ndërkombëtare. Ai tha se NATO duhet të vazhdojë të qëndrojë e fortë, ta ruaj qëndrueshmërinë në oborrin e saj, dhe të ketë një lidhje të fuqishme mes Evropës dhe Shteteve të Bashkuara.

Zoti Stoltenberg e quajti këtë themelin më të mirë për një marrëdhënie më bashkëpunuese me Rusinë.

NATO ka rënë dakord të formojë një forcë të reagimit të shpejtë në Evropën Lindore, një përgjigje e drejtpërdrejtë ndaj veprimeve ruse në Ukrainë.

Moska thotë se shtimi i forcave të NATO-s në zonat që në të kaluarën ishin nën influencën e ish-Bashkimit Sovjetik do të shkelte një marrëveshje të arritur pas përfundimit të Luftës së Ftohtë.

NATO ka thënë se nuk do të ndërhyjë ushtarakisht në Ukrainë.

Trego komentet

XS
SM
MD
LG