Rebelët libianë u përleshën me forcat pro-qeveritare në Libinë lindore sot, ndërkohë që udhëheqësi libian, Moamar Gadafi kundërshtoi përsëri kërkesat për t’u larguar nga pushteti.
Luftimet përfshinë përleshjet në terren dhe sulmet ajrore të aeroplanëve ushtarakë libianë.
Dëshmitarët thanë se forcat e Gadafit hynë në qytetin e Bregas në Gjirin e Sirtës dhe morën përkohësisht nën kontroll instalimet e naftës. Luftëtarët e opozitës arritën ta rimarrin kontrollin e tyre më vonë.
Dëshmitarët thonë se forcat ushtarake bombarduan sot qytetin lindor Axh-dabia. Të dy qytetet në perëndim të rajonit të Libisë lindore janë tani kryesisht në kontrollin e opozitës.