Këshilli i Sigurimit të Kombeve të Bashkuara pritet të mbajë nesër seancë për Kosovën. Në seancë do të shqyrtohet vendimi i Gjykatës Ndërkombëtare të Drejtësisë për ligjshmërinë e Pavarësisë së Kosovës. Opinioni i kësaj gjykate nga institucionet e Kosovës është vlerësuar si vulosje e pavarësisë së saj, ndërsa Beogradi e ka cilësuar si vendim të rëndë duke paralajmëruar veprime në funksion të pengimit të njohjeve të shtetit të ri.