Lidhje

Një grup ekstremist merr përgjegjësinë për shpërthimin në Abuxha

  • Zëri Amerikës

Një grup ekstremist merr përgjegjësinë për shpërthimin në Abuxha

Një grup ekstremist merr përgjegjësinë për shpërthimin në Abuxha

Një grup ekstremist islamik mori përgjegjësinë për një shpërthim masiv që ka tronditur sot ndërtesën e Kombeve të Bashkuara në kryeqytetin e Nigerisë, Abuxha, duke shkaktuar të paktën 18 të vrarë. Personeli mjekësor dhe dëshmitarët në vendin e ngjarjes thanë se ekipet e shpëtimit nxituan të nxirrnin të mbijetuarit dhe trupat nga rrënojat.

Dëshmitarët thanë se kishin parë një makinë që kishte kaluar me forcë pikën e kontrollit dhe pastaj ajo kishte shpërthyer sapo kishte arritur tek ndërtesa 4-katëshe e selisë së OKB-së.

Pas sulmit, një zëdhënës i organizatës Boko Haram telefonoi një korrespondent të Zërit të Amerikës në Nigeri dhe mori përgjegjësinë për sulmin. Ai tha gjithashtu se “ky është vetëm fillimi” dhe se sulmi u krye si përgjigje ndaj shtimit të pranisë ushtarake në shtetin verilindor të Bornos, ku organizata Boko Haram është shumë aktive.

Sekretari i Përgjithshëm i OKB-së Ban Ki Moon tha se numri i viktimave do të jetë i konsiderueshëm, por shtoi se ende nuk dihet me saktësi. Zoti Ban e cilësoi sulmin “një akt të tmerrshëm” kundër njerëzve që ja kushtojnë jetën e tyre ndihmës për të tjerët. Ai tha se në kompleksin e OKB-së ndodhen 26 agjenci humanitare dhe zhvillimi, ku punojnë rreth 400 vetë. Ai tha se një ekip i OKB-së do të shkojë në Nigeri për të pare nga afër gjendjen.

XS
SM
MD
LG