Udhëheqësit e Bashkimit Afrikan filluan sot një takim dyditor të nivelit të lartë në Addis Ababa me zgjedhjen e kryetarit të ri të organizatës.
Presidenti i Beninit Thomas Yayi Boni u zgjodh si kryetar për vitin e ardhshëm, duke pasuar Presidentin e Guinesë Ekuatoriale Teodoro Obiang Nguema.
Sekretari i Përgjithshëm i OKB-së Ban Ki-moon ishte ndër folësit e parë në selinë e re të Bashkimit Afrikan të financuar dhe ndërtuar nga Kina, një partnere tregëtare e Afrikës.
Zoti Ban u tha udhëheqësve të Bashkimit Afrikan se 25 zgjedhjet e ardhshme për Presidentë, parlamentet dhe votimet lokale në Afrikë këtë vit duhet të jenë të rregullta.