Lidhje

Japoni: Nivele të larta radioaktiviteti në rezervat ujore të disa qyteteve pranë Tokjos

  • Zëri Amerikës

Japoni: Nivele të larta radioaktiviteti në rezervat ujore të disa qyteteve pranë Tokjos

Japoni: Nivele të larta radioaktiviteti në rezervat ujore të disa qyteteve pranë Tokjos

Zyrtarët japonezë thonë se nivele radioaktiviteti të dëmshme për foshnjat janë diktuar në rezervat ujore të disa qyteteve pranë Tokjos, ndërkohë që vendi është pllakosur nga paniku për përhapjen e ndotjes radioaktive nga centrali i dëmtuar.

Agjencia e lajmeve Kyodo njofton se jodio radioaktive në nileve shqetësuese u zbulua gjatë 2 ditëve të fundit në ujin e 3 prefekturave.

Zyrtarët në Tokjo thanë më parë sot se uji ishte tani i padëmshëm për foshnjat, pas rënies së nivelit të lëndëve radioaktive. Sasi radioaktiviteti janë zbuluar edhe në qumësht dhe zarzavate nga një zonë e gjerë përreth Fukushimës.

Në zhvillime të tjera, zyrtarët japonezë thonë se dy punonjës të ekipeve emergjente në centralin e dëmtuar bërthamor janë shtruar në spital me plagë në këmbë, pasi u ekspozuan ndaj niveleve të larta të rrezatimit.

Sekretari kryesor i kabinetit tha sot se punëtorët po punonin për të riparuar pompat e ftohjes në reaktorin numër 3, i cili konsiderohet si reaktori më i rrezikshëm i centralit.

XS
SM
MD
LG