Lidhje

Një film i ri që reklamon ceremoninë e Çmimeve "Oscar"


Një film i ri që reklamon ceremoninë e Çmimeve "Oscar"
Një film i ri që reklamon ceremoninë e Çmimeve "Oscar"

Sot fillon të shfaqet në kinematë amerikane një realizim i ri artistik me metrazh të shkurtër, i krijuar për të reklamuar ceremoninë e Çmimeve Oskar që zhvillohet në shkurt.

Këtë vit ceremonia do të prezantohet nga aktori komik Billy Crystal, i cili ka prezantuar edhe 8 herë më parë këtë spektakël. Për të reklamuar mbrëmjen më prestigjoze për të nderuar arritjet kinematografike, Hollivudi ka realizuar këtë mini-film, ku Billy Crystal është një personazh legjendar, me nofkën “Prezantuesi”.

5 aktorë të tjerë, ndër të cilët Robin Williams, Megan Fox dhe Josh Duhamel, formojnë një ekip kërkimi për të gjetur “prezantuesin” i cili prej vitesh thuhet se jeton në Mongoli. Përmes një seri peripecish, ata arrijnë ta gjejnë aktorin Billy Crystal dhe e bindin të kthehet përsëri në Shtetet e Bashkuara ku e ka ftuar Akademia e Filmit dhe Shkencës për të prezantuar edicionin e 84 të Çmimeve Oskar. Kjo reklamë do të shfaqet që nga dita e sotme në 2000 kinema amerikane. Vetë ceremonia zhvillohet më 26 shkurt dhe do të transmetohet drejtpërdrejt në televizionin amerikan si dhe në mbi 200 vende të botës.

XS
SM
MD
LG