Lidhje

Arabia Saudite po tërheq vëzhguesit nga Siria

  • Zëri Amerikës

Arabia Saudite po tërheq vëzhguesit nga Siria

Arabia Saudite po tërheq vëzhguesit nga Siria

Arabia Saudite thotë se po tërheq vëzhguesit nga Siria, në shenjë proteste ndaj atij që e quajti dështim të qeverisë siriane për të respektuar planin e Lidhjes Arabe për të frenuar shtypjen e dhunshme të kryengritjes dhjetëmujore të opozitës.

Ministri i Jashtëm Saudit, Princ Saud al-Faisal e bëri të njohur kërë tërheqje sot, në një takim të Ministrave të Jashtëm të Lidhjes Arabe në Kairo. Ministrat po diskutonin për zgjatjen e misionit të vëzhguesve në Siri, pasi mandati njëmujor i vëzhguesve përfundoi të enjten.

Më herët, komiteti i ministrave të jashtëm të Lidhjes Arabe që merret me krizën siriane rekomandoi zgjatjen e misionit të vëzhguesve edhe për një muaj dhe rritjen e numrit të personelit të tij.

Por misioni i Lidhjes Arabe është mkritikuar ashpër nga aktivistët e opozitës që akuzojnë Damaskun se po mashtron vëzhguesit dhe po i përdor si mburojë për të intensifikuar sulmet ndaj protestuesve anti-qeveritarë dhe kryengritësve.

Ministri i jashtëm saudit bëri thirrje për më shumë presion ndërkombëtar ndaj Presidentit sirian Bashar al-Assad për të ndalur dhunën. Ai nxiti vende të tjera myslimane, si edhe Kinën, Rusinë, Evropën dhe Shtetet e Bashkuara që të luajnë rol në këtë përpjekje.

XS
SM
MD
LG