Njësi të Shkodrës në përpjekje për të hequr mbeturinat në zonat rurale

Vitet e fundit në Shqipëri po rritet gjithnjë e më shumë shqetësimi për depozitimin e mbetjeve urbane dhe ndotjen e bregdetit nga ujrat e zeza, gjë që rrezikon jo vetëm shëndetin e popullatës, por edhe vetë zhvillimin e ekonomisë dhe turizmit në mjaft zona të vendit. Fenomeni i hedhjes buzë rrugëve të mbeturinave ka prekur tashmë jo vetëm zonat urbane, por edhe ato rurale, sidomos fshatrat që shtrihen buzë rrugëve kombëtare. Në kronikën e tij, korrespondenti i Zërit të Amerikës, Pëllumb Sulo, sjell përpjekjet që po bëjne disa njësi vendore në Shkodër për të krijuar një mjedis të pastër nga mbeturinat urbane.