Notarja amerikane 61 vjeçare Diana Nyad nuk e përfundoi dot misionin e saj për të notuar nga Florida në Kubë. Nyad u përpoq të bëhej e para që përshkonte distancën prej 165 kilometrash pa kafazin për mbrojtjen nga peshkaqenët.
Nyad u detyrua të braktiste planet e saj duke notuar pas një rekordi prej 29 orësh në det. Një zëdhënëse njoftoi se notimi përfundoi për shkak të një seri faktorësh përfshi erën e madhe. Noti planifikohej të zgjaste 60 orë.
Nyad u përpoq të përshkonte të njëjtën distancë në vitin 1978 në moshën 28 vjeçare, por e braktisi këtë përpjekje për shkak të erës së fortë dhe detit të trazuar. Notarja australiane Susan Maroney përfundoi këtë distancë në vitin 1997 me ndihmën e një kafazi për mbrojtjen nga peshkaqenët. Maroney ishte atëherë 22 vjeç.