Lidhje

Obama: Ditët e shenjta na kujtojnë përgjegjësitë ndaj Zotit dhe njëri-tjetrit


Presidenti amerikan Barack Obama foli sot në fjalimin e tij të përjavshëm për kuptimin e Javës së Shenjtë dhe Pashkëve për të krishterët.

Zoti Obama tha sot se ditët e shenjta na kujtojnë për “përgjegjësitë tona ndaj Zotit dhe, si fëmijë të Zotit, për përgjegjësitë ndaj njëri-tjetrit”.

Presidenti tha se ai dhe shumë të krishterë të tjerë, gjatë Javës së Shenjtë dhe Pashkëve, “kujtojnë mirësinë e një Zoti të jashtëzakonshëm, që na deshi aq thellësisht saqë na dhuroi birin e tij”.

Zoti Obama tha se në këtë periudhë të vitit është e udhës të kujtojmë “fillin e përbashkët të njerëzimit që na lidh të gjithëve, jo vetëm të krishterë dhe hebrenj, por edhe myslimanët, hindutë dhe sikët, i cili është përkushtimi ynë i përbashkët për të dashur fqinjët dhe veten”.

Trego komentet

XS
SM
MD
LG