Lidhje

Obama, një raport i ri për politikën e jashtme


Presidenti amerikan Barak Obama do t'u paraqesë sot ligjvënësve një raport lidhur me problemet e politikës së jashtme, duke filluar nga grupi Shteti Islamik e deri te rritja e Kinës në arenën ndërkombëtare.

Në dokumentin e Strategjisë të Sigurisë Kombëtare prej 33 faqesh nuk pritet të ketë ndryshime të mëdha në politikën e jashtme.

Disa ligjvënës republikanë e kanë kritikuar zotin Obama për atë që ata thonë se është një përgjigje e pamjaftueshme ndaj kërcënimeve globale, duke përfshirë grupin Shtetit Islamik dhe veprimet e Rusisë në Ukrainë.

Në një hyrje të shkurtër të raportit, Presidenti Obama mbron politikat e tij. Ai thotë se "Në këtë botë të ndërlikuar, për shumë nga problemet e sigurisë me të cilat përballemi nuk ka zgjidhje të shpejta e të lehta".

Ai rithekson rëndësinë e rolit udhëheqës amerikan në shekullin e 21 dhe thotë se SHBA do të vazhdojnë të luftojnë kundër ekstremistëve. Por ai paralajmëron gjithashtu që të mos humbet ekuilibri dhe që vendimet të mos merren bazuar tek frika.

XS
SM
MD
LG