Lidhje

Obama takohet me drejtuesit republikanë dhe demokratë të Kongresit

  • Zëri Amerikës

Obama takohet me drejtuesit republikanë dhe demokratë të Kongresit

Obama takohet me drejtuesit republikanë dhe demokratë të Kongresit

Republikanë të njohur në kongresin amerikan po shpresojnë të largojnë presidentin Obama nga ato që i quajnë “përparësi të gabuara të dy viteve të shkuara”.

Presidenti po takohet në Shtëpinë e Bardhë me drejtuesit republikanë dhe demokratët e Kongresit. Është ky takimi i tyre i parë që nga zgjedhjet e këtij muaji që u dhanë republikanëve shumicën në Dhomën e Përfaqësueve.

Në një artikull në gazetën The Washington Post, kryetari i ardhshëm i Dhomës së Përfaqësueve John Boehner dhe udhëheqësi i pakicës në Senat Mitch McConnel thonë se ka ardhur koha që presidenti Obama dhe demokratët të tregojnë seriozitet në shkurtimin e taksave dhe shpenzimeve.

Dje, zoti Obama propozoi ngrirjen e pagave të gati 2 milion punonjësve federalë. Republikanët e mirëpritën planin që zyrtarët e Shtëpisë së Bardhë thanë se do t’i kursejë qeverisë gati 5 miliardë dollarë gjatë dy vjetëve të ardhshme.

XS
SM
MD
LG