Lidhje

ODIHR rekomandon 430 vëzhgues ndërkombëtarë

  • Armand Mero

Ekspertët thonë se një grup prej 30 vëzhguesish duhet të jenë me mision afatgjatë, ndërsa 400 të tjerë duhet të jenë në Shqipëri për të mbikqyrur ditën e votimit, procesin e numërimit dhe të nxjerrjes së rezultatit

Delegacioni i ODIHR-it, i cili tre javë më parë shkoi në Shqipëri për të vlerësuar situatën zgjedhore, rekomandoi sot që zgjedhjet e 23 qershorit të vëzhgohen nga një mision prej 430 vëzhguesish ndërkombëtarë.

Në raportin e publikuar prej tyre, ndërsa analizojnë situatën parazgjedhore, ekspertët e ODIHR-it shprehen se një grup prej 30 vëzhguesish duhet të jenë me një mision afatgjatë, ndërsa 400 të tjerë duhet të jenë në Shqipëri për të mbikqyrur ditën e votimit, procesin e numërimit dhe të nxjerrjes së rezultatit.

Duke qenë se nxjerrja e rezultatit përfundimtar kërkon një kohë më të gjatë ata sugjerojnë që misioni afatgjatë të qëndrojë në vend disa ditë pas votimit për të ndjekur përfundimin e të gjithë procesit. Sipas tyre vëzhguesit duhet të përqëndrohen në kuadrin ligjor zgjedhor shqiptar, në mënyrën e administrimit të zgjedhjeve, zbatimin e teknologjive të reja, në listat e votuesve, mbulimin mediatik dhe zhvillimin e fushatës.

Në raportin e tyre ekspertët e ODIHR-it nënvizuan se zgjedhjet pritet të zvillohen në një atmfosferë të tensionuar politike për shkak të konfliktit mes dy forcave kryesore politike.

XS
SM
MD
LG