Para trembëdhjetë vjetësh u nënshkrua Marrëveshja e Ohrit, e cila i dha fund konfliktit disa muajsh midis kryengritësve shqiptarë dhe forcave ushtarake dhe policore maqedonase. Në këtë përvjetor, autoritetet thonë se Marrëveshja është bërë pjesë e Kushtetetës, ndërsa, nga ana tjetër, ka shumë kritika për mënyrën e zbatimit të saj në praktikë. Çështje më të diskutueshme mbeten përdorimi i gjuhës shqipe dhe përfaqësimi i drejtë i shqiptarëve në institucionet shtetërore.
