Palestinezët presin të fitojnë anëtarësim të plotë në agjencinë kulturore të Kombeve të Bashkuara që sot, gjatë një votimi që do të shtonte shanset për njohjen e pavarësinë e shtetit të tyre nga komuniteti ndërkombëtar.
Organizata e UNESCO-s me bazë në Paris është agjencia e parë e OKB-së, në të cilën kanë kërkuar të anëtarësoten palestinezët që kur Presidenti Mahmud Abaz paraqiti kërkesën muajin e kaluar për njohjen e plorë të shtetit palestinez nga të gjitha vendet anëtare të Kombeve të Bashkuara në Asamblenë e Përgjithshme.
Dy të tretat e votave nga 193 vendet anëtare të UNESCO-s janë të nevojshme për miratimin e anëtarësimit dhe palestinezët presin të fitojnë një mbështetje të madhe për kërkesën e tyre.
Megjithatë, suksesi palestinez në Paris do të jetë me kosto të lartë për Organizatësn e Kombeve të Bashkuara për Arsimin, Shkencën dhe Kulturën. Ligji amerikan e ndalon Uashingtonin që të financojë çdo organizatë të lidhur me OKB-së që anëtarëson palestinezët. Aktualisht, Shtetet e Bashkuara janë burimi më i madh i fondeve për UNESCO-n, duke kontribuar 22 përqind të buxhetit të tanishëm të agjencisë.
Kërkesa palestineze është bërë shkak për një lobizëm intensiv nga diplomatët amerikanë, të cilët u kanë kërkuar anëtarëve të UNESCO-s të hedhin poshtë kërkesën palestineze.