Lidhje

Fuqitë botërore mblidhen në Paris për të diskutuar mbi Libinë

  • Zëri Amerikës

Fuqitë botërore mblidhen në Paris për të diskutuar mbi Libinë

Fuqitë botërore mblidhen në Paris për të diskutuar mbi Libinë

Forcat libiane sulmuan sot enklavat e kontrolluara nga rebelët me sulme ajrore ndërsa fuqitë borëtore u mblodhën në Paris për të diskutuar përgjigjet e mundshme ndaj sulmeve.

Pas vendimit të Lidhjes Arabe për zonën e ndalimit të fluturimit mbi Libi javën e kaluar, presidenti francez Nicolas Sarkozy do të përdorë takimin për të nxitur një mbeshtetje të përbashkët veprimi.

Sekretarja amerikane e Shtetit Hillary Clinton u bashkua në diskutimet me vendet më të industrializuara të njohura si Grupi i Tetëshes. Zonja Klinton do të zhvillojë bisedime edhe me përfaqësues të këshillit të opozitës libiane në Paris.

Shtetet e Bashkuara po marrin pjesë në planifikimin e një zone të ndalim-fluturimeve, por kanë shprehur dyshime mbi efektshmërinë e një mase të tillë, ndërkohë që kërkojnë një mandat të qartë para se të ndërmarrin veprime.

Zoti Sarkozi tha se ndërsa Franca nuk mbështet një ndërhyrje ushtarake ajo mbështet zonën e ndalim fluturimit. Ai ka ngritur gjithashtu mundësinë e sulmeve me objektiva të caktuara në Libi nëse forcat e udhëheqësit libian Moammar Gadafi vënë popullësinë në shënjestër.

Duke folur sot për radion BBC, sekretari i jashtëm britanik William Hague tha se komuniteti ndërkombëtar po i afrohet një vendimi rreth ndërhyrjes ushtarake kundër Libisë – me zonën e ndalim fluturimit si një nga propozimet kryesore.

XS
SM
MD
LG